പാർട്സ് ഓഫ് ബോഡി

"ഉമ്മച്ച്യേ... ഇന്ന് 'പാർട്സ് ഓഫ് ബോഡി' പഠിപ്പിച്ചു... ഞാൻ പറഞ്ഞെരട്ടെ..."

ഒരിക്കെ എല്ലാരും കൂടെ നടക്കുമ്പോഴാണ് അവനത് പറയുന്നത്....

അത് പറഞ്ഞു കഴിഞ്ഞപ്പൊ ഞാൻ വെറുതെ ചോദിച്ചു, 

"കണ്ണെന്തിനുള്ളതാടാ ???"

'കാണാൻ' എന്ന മറുപടിക്ക് കാത്തുനിന്ന എന്നോട് അവൻ പറഞ്ഞു, “അടക്കാൻ... “

“😳😳 എന്താ…??“ എന്റെ കണ്ണ് തള്ളിപ്പോയി…. 

എന്റെ ചോദ്യം കേട്ടപ്പോ അവൻ വീണ്ടും പറഞ്ഞു,  “ കണ്ണ് അടക്കാനും തുറക്കാനും ഉള്ളതാണ് ഉമ്മച്ച്യേ…”

🙊🙊

മക്കളുമായുള്ള സംസാരം ഒരു രസം തന്നേണ്....  അവർക്ക് ഓരോന്നിനും അവരുടേതായ ചോദ്യങ്ങളും ഉത്തരങ്ങളും ഉണ്ട്....  പല കാര്യങ്ങളും നമ്മൾ കാണുന്ന പോലാകില്ല അവർ കാണുന്നതും  മനസിലാക്കുന്നതും....

 “ആഹാ… അപ്പൊ മൂക്കോ… ??”

അതിനവൻ പറഞ്ഞത്, “മൂക്കിലല്ലേ ഉമ്മച്ച്യേ കച്ചറണ്ടാവാ….!!!! 🤔🤔”

ഇനിയുള്ളതിനു എന്ത് പറയുംന്ന് നോക്കട്ടെ… 

 “ ചെവിയോ…?? അത് എന്തിനുള്ളതാ…  ? “ 

ഇതിനുള്ള അവന്റെ മറുപടി ഊഹിക്കാമോ… 

“ ഫോണും ഹെഡ്സെറ്റും വെക്കാൻ…”

എന്റെ റബ്ബേ,  ഈ മക്കൾ ഇങ്ങനേണോ മനസ്സിലാക്കീര്ക്കണത്… അവരെ പറഞ്ഞിട്ടെന്ത് കാര്യം…  അവരതല്ലേ കണ്ട്ട്ടൊള്ളൂ… 😀

“നാവോ… ?”

“ഏ… ആക്കാൻ “ 🙊🙊

“ചുണ്ടോ..?”

ഞാനത് ചോദിക്കുമ്പോഴേക്ക് ചിരിച്ചോണ്ട് അവൻ പറഞ്ഞു, “ചുണ്ട് ഉമ്മ വെക്കാൻ…“

ശെടാ… കൊള്ളാലോ…  ഇവനെ ഇനി ശ്രദ്ധിക്കണം….

 ന്നാലും… ശരിയാണല്ലോ, അതല്ലാതെ ഈ ചുണ്ടോണ്ട്‌ വേറെന്ത് ചെയ്യാൻ… 😜😜 

“കൈയെന്തിനാ മോനെ..?? “ 

അവൻ എന്താകും പറയാൻ പോണത് എന്ന  ആകാംക്ഷയിൽ ഞാൻ ചോദിച്ചു… 

“ ഷേക്ക്ഹാൻഡ് കൊടുക്കാൻ… “

ആ… അത് വെല്യേ കൊഴപ്പല്ല്യ...

“വിരലോ…  ??”

“മൂക്ക് ക്ലീൻ ചെയ്യാൻ “

ചിരി അടക്കിപ്പിടിച്ച് ഞാൻ ചോദിച്ചു… 

“കാലെന്തിനാ .. ?”

“നടക്കാൻ.. “

ആശ്വാസായി….  

കുട്ടി ഒന്നെങ്കിലും ശരിയായി പറഞ്ഞല്ലോ എന്ന സമാധാനവും ഇനിയും ചോദിച്ച്‌ വെറുപ്പിക്കണ്ട എന്ന ചിന്തയും കാരണം ഞാൻ നിർത്തി…..

-- കബനി --

We wish you the best Kabani. Hope to see more creations from you.

AKAM

About Keen Ambitious Mission